ਜੇ ਮੈਨੂੰ ਕਵਿਤਾ ਲਿਖਣੀ ਆਉਂਦੀ
ਤਾਂ ਲਿਖਣੀ ਸੀ
ਉਸ ਰੱਖੜੀ ਤੇ
ਜਿਹੜੀ ਵੱਜਦੀ ਏ
ਵੀਰ ਦੀ ਤਸਵੀਰ ਨੂੰ
ਉਸ ਰਿਸ਼ਤੇ ਤੇ
ਜਿਹੜਾ ਰੋਂਦਾ ਏ ਆਪਣੀ ਤਕਦੀਰ ਨੂੰ
ਜੇ ਮੈ ਲਿਖ ਸਕਦਾ ਇਕ ਕਹਾਣੀ
ਤਾਂ ਲਿਖਣੀ ਸੀ
ਉਸ ਪਾਣੀ ਤੇ
ਜਿਹੜਾ ਸਿੰਝਦਾ ਏ
ਮਾਂ ਦੀਆਂ ਝੂਰੜੀਆਂ
ਤੇ ਪਿਓ ਦੀ ਦਾੜੀ ਨੂੰ
ਉਸ ਅਹਿਸਾਸ ਤੇ
ਜਿਹੜਾ ਕੋਸਦਾ ਏ ਕਿਸਮਤ ਮਾੜੀ ਨੂੰ
ਜੇ ਮੈ ਲਿਖੀ ਕਦੇ ਕੋਈ ਕੋਈ ਵਾਰ
ਤਾਂ ਲਿਖਾਂਗਾ ਉਸ ਸਰਦਾਰ ਤੇ
ਜਿਹੜਾ ਕਰਦਾ ਸੀ
ਇਕੋ ਜਿੰਨਾ ਪਿਆਰ
ਦੇਸ਼ ਦੀ ਮਿੱਟੀ
ਤੇ ਪਾਵਨ ਹਥਿਆਰ ਨੂੰ
ਜਿਹੜਾ ਦਿੰਦਾ ਸੀ
ਕੱਲਾ ਲਲਕਾਰ
ਲੱਖਾਂ ਦੀਆਂ ਫੋਜਾਂ ਤੇ
ਜਾਲਮ ਸਰਕਾਰ ਨੂੰ
ਬਲਵਿੰਦਰ ਸਿੰਘ ਸਮੁੰਦਰੀਆ 9781414477
ਬਲਵਿੰਦਰ ਸਿੰਘ ਸਮੁੰਦਰੀਆ 9781414477
ਬਹੁਤ ਸੋਹਣੀ ਗੱਲ ਲਿਖੀ ਵੀਰ ਜੀ
ReplyDelete(ਜੱਸੀ ਕੁੱਕੜ-ਸੂੱਹੀਆਂ)